-
Ունեք արդյո՞ք իմ կթիչի պահեստամասերը
Այո, ունենք: Դուք կորեղ եք գտնել մեր կթիչների պահեստամասերը այստեղ
-
Ի՞նչ պարամետրեր պետք է ընտրեմ Lansinoh – ի 2-ը 1-ում էլեկտրական կթիչն օգտագործելիս
Lansinoh-ի 2-ը 1-ում էլեկտրական կթիչը նախատեսված է նմանակելու ձեր երեխայի բնական սնուցման գործընթացին: Այն ունի աշխատանքի 2 փուլ՝ խթանման փուլ, որը նպաստում է կաթի արտահոսքին իր արագ և կարճ արտածծման շարժումներով և կթման փուլ, որն առավելագույնի է հասցնում կաթի հոսքը՝ երկար և խորը ծծման շարժումներով: Հատուկ կոճակի օգնությամբ դուք կարող եք հեշտությամբ անցում կատարել աշխատանքի մի փուլից մյուսին: Կթման փուլում դուք կարող եք ձեր հարմարության համար ընտրել 3 տարբեր կթման ռեժիմներ, որոնց կթման ուժը լրացուցիչ կարող եք կարգավորել 8 տարբեր աստիճաններով:
-
Կարո՞ղ եմ արդյոք կթման փուլից անցում կատարել խթանման փուլին
Այո, դուք հեշտությամբ կարող եք աշխատանքի մի փուլից անցնել մյուսին հատուկ կոճակի օգնությամբ: Երբ միացնում եք կթիչը, այն սկսում է աշխատել խթանման փուլից, որը տևում է մոտ 2 րոպե, այնուհետև այն ինքնուրույն անցնում է կթման փուլին: Եթե ուզում եք անցում կատարել կթման փուլին նախքան այդ 2 րոպեի լրանալը, ապա կարող եք իրականցնել կոճակի օգնությամբ: Նմանապես կարող էք անցում կատարել նաև հակառակ ուղղությամբ, եթե ցանկանում եք կթման փուլից անցնել խթանմանը:
-
Ի՞նչ աշխատանքային փուլի կանցնի կթիչը, երբ ավարտվի խթանման փուլը
Խթանման փուլը տևում է 2 րոպե, եթե մայրիկը չցանկանա կոճակի օգնությամբ վաղաժամ անցնել կթման փուլին: Այն բանից հետո, երբ անցում կատարվի կթման փուլին, կթիչը կսկսի աշխատել հետևյալ կերպ՝ կթման փուլ – աշխատանքի 2 մակարդակ, ծծման փուլ – աշխատանքի 3-րդ մակարդակ: Այնուհետև մայրիկը կարող է կարգավորել ծծման ուժգնությունն իրեն հարմար մակարդակի վրա:
-
Ինչպիսի՞ն է Lansinoh- ի 2-ը 1-ում էլեկտրական կթիչի աշխատանքի հաճախականությունը
Խթաման փուլում կթիչն արտածծում է է 87-125 անգամ 1 րոպեում, իսկ կթման փուլում 37-95 անգամ 1 րոպեում:
-
Ինչքա՞ն է Lansinoh- ի 2-ը 1-ում էլեկտրական կթիչի արտածծման ուժգնության միջակայքը
Խթանման փուլում այն տատանվում է 55-140 մմ.ս.ս, իսկ կթման փուլում 80-220 մմ.ս.ս 1 վայրկյանում: Կթման 3 փուլերը և ծծման աշխատանքի 8 աստիճանները մայրիկն ինքն է ընտրում՝ առավելագույնի հասցնելով հարմարությունն ու արդյունավետությունը:
-
Արդյո՞ք Lansinoh- ի 2-ը 1-ում էլեկտրական կթիչն ունի կաթի հոսքն առավելագույնի հասցնող կատարյալ ռեժիմ
Քանի որ բոլոր կանայք տարբեր են, և մայրիկները տարբեր կերպով են պատասխանում կթիչներին, այդ իսկ պատճառով այդպիսի ռեժիմ չկա: Այնուամենայնիվ 2-ը 1-ում էլեկտրական կթիչը պատրաստել ենք այնպես, որ այն կրկնի երեխայի բնական սնուցման գործընթացը և առավելագունի հասցնի կաթի հոսքը իր կթման տարբեր ռեժիմներով՝ ապահովելով ձեզ հարմարավետություն և առավելագույն կաթնարտադրություն: Մենք խորհուրդ ենք տալիս մայրիկներին փորձել կթման 3 ռեժիմները գտնելու իրենց համար առավել ընդունելին և +/- կոճակների օգնությամբ ընտրել ամենահարմար մակարդակը:
-
Ի՞նչ է նշանակում 1, 2, 3 ցուցանիշները
Գոյություն ունի կթման 3 ռեժիմներ, որոնք մայրիկն ինքն է ընտրում՝ առավելագույնի հասցնելով կթման արդյուանվետությունն ու հարմարավետությունը: Այս 3 տարբեր ռեժիմները պատկերված են 1, 2, 3 ցուցանիշներով շրջանաձև կոճակի վրա: Յուրաքանչյուր մայրիկ տարբեր է և մենք խորհուրդ ենք տալիս փորձել բոլորը և ընտրել ձեր համար լավագույն և ամենահարմար տարբերակը:
-
Կարելի՞ է արդյոք կթիչի մասերը լվանալ սպասք լվացող մեքենայի մեջ: Կարելի՞ է արդյոք օգտագործել միկրոալիքային վառարանի գոլորշու պարկը մաքրման համար
ՈՒշադրություն: Խողովակները, Y-ձև միակցիչը կամ կթիչի սպիտակ միակցիչը երբեք չի կարելի լվանալ կամ ախտահանել: Բոլոր մասերը՝ բացառությամբ խողովակների, Y-ձև միակցիչի և կթիչի միակցիչի կարելի է լվանալ սպասք լվացող մեքենայի մեջ, չնայած մենք խորհուրդ ենք տալիս սպիտակ փականները և դիաֆրագման լվանալ ձեռքով, քանի որ նրանք շատ նուրբ են և հնարավոր է վանսավեն կոպիտ մաքրման կամ ագրեսիվ մաքրող միջոցների ազդեցության տակ և խաթարել կթիչի բնականոն աշխատանքը: Կթիչի բոլոր մասերը՝ բացառությամբ խողովակների, Y-ձև միակցիչի, կթիչի սպիտակ միակցիչի և կրծքի ձագարի կարելի է ախտահանել միկրոալիքային վառարանի գոլորշու պարկով՝ հետևելով արտադրողի ցուցումներին: Խնդրում ենք հետևել, որ կթիչի բոլոր մասերը լինեն չոր օգտագործումից առաջ, քանի որ դա կարող է ազդել աշխատանքի վրա:
-
Կարո՞ղ եմ արդյոք այլ ընկերության կթիչի պահեստամասերն օգտագործել Lansinoh – ի 2-ը 1-ում էլեկտրական կթիչի հետ միասին
Lansinoh – ի 2-ը 1- ում կթիչի մասերը մշակաված և արտադրված են հատուկ իր համար՝ բարձր որակի և արդյունավետության հասնելու համար: Մենք խորհուրդ չենք տալիս օգտագործել այլ ընկերությունների կթիչիների պահեստամասեր, քանի որ դրանք կարող են ազդել կթիչի բնականոն աշխատանքի վրա՝ նվազեցնելով արտադրողականությունը: Ինչպես նաև այլ կթիչների պահեստամասեր օգտագործելու դեպքում երաշխիքն այլևս չի գործի: Եթե ձեր մոտ կառաջանան ցանկացած խնդիրներ, խնդրում ենք նայել ՀՏՀ բաժինը կամ եթե ցանականում եք պահեստամաս գնել ապա սեղմեք այստեղ
-
Կարո՞ղ եմ ես արդյոք օգտագործել Lansinoh նախորդ մոդելների կրկնակի էլեկտրական կթիչի պահեստամասերը
Ոչ, չեք կարող , քանի որ Affinity Pro կրկնակի էլեկտրական կթիչի պահեստամասերը չեն համապատասխանում Lansinoh – ի 2-ը 1- ում կրկնակի կթիչին:
-
Ինչո՞վ է տարբերվում նոր 2-ը 1-ում էլեկտրական կթիչը Affinity Pro կրկնակի էլեկտրական կթիչից
Lansinoh 2-ը 1-ում էլեկտրական կթիչն իր մեջ ներառում է մեր նոր, լայն տրամագծով շշերը, որոնք ԿԹԻՐ-ՊԱՀԻՐ-ԿԵՐԱԿՐԻՐ լուծման մի մասն են կազմում, հնարավորություն են տալիս ծնողներին նույն շիշն օգտագործել կաթի կթման, այնուհետև պահպանման (պաշտպանիչ սկավառակով) և կերակրման (բնական ալիքաձև ծծակն ամրացնելով) համար:
-
Աշխատու՞մ է արդյոք 2-ը 1-ում էլեկտրական կթիչը մարտկոցներով
Այո, աշխատում է, դուք կարող եք օգտագործել 6 հատ AA չափսի մարտկոցներ (ներառված չեն հավաքածուի մեջ) կամ հոսանքի փախարկիչ (ներառված է հավաքածուի մեջ): Մենք խորհուրդ ենք տալիս օգտագործել ալկալիական մարտկոցներ և խորհուրդ չենք տալիս օգտագործել վերալիցքավորվող մարտկոցներ: Խնդրում ենք տեղադրել բոլոր մարտկոցները միևնույն ժամանակ, մի դրեք հին և նոր մարտկոցները միասին: Եթե մարտկոցները տեղադրված են կթիչի մեջ, բայց փոխակերպիչը միացրածված է հոսանքին, ապա կթիչը կաշխատի ի հաշիվ հոսանքի աղբյուրի:
-
Ինչքա՞ն ժամանակ կարող է աշխատել կթիչը նոր մարտկոցներով
Դուք կարող եք ակընկալել, որ նոր AA չափի 6 հատ ալկալիական մարտկոցներով կթիչը կաշխատի մոտ 2 ժամ:
-
Կարող եմ արդյո՞ք անմիջապես կթել Lansinoh-ի կաթի պահպանման պարկերի մեջ
Lansinoh-ի կաթի պահպանման պարկերն ունեն կրկնակի հերմետիկ “զիփ” փական, որը հնարավորություն է տալիս ապահով ամրանալ Lansinoh-ի ցանկացած էլեկտրական և մեխանիկական կթիչներին: Ամրացրեք ստերիլ կաթի պահպանման պարկերը Lansinoh-ի ցանկացած կթիչին և կթեք անմիջապես պարկի մեջ:
-
Ի՞նչով է Lansinoh–ի 2-ը 1-ում էլեկտրական կթիչը տարբերվում շուկայում առկա մյուս կթիչներից
Lansinoh-ի 2-ը 1-ում էլեկտրական կթիչը պատրաստված է փակ համակարգով, որը կանխում է կաթի անցումը դեպի խողովակներ և հիմնական մաս: Այն ավելի հիգիենիկ և ապահով է երեխայի համար, քանի որ կանխում է օդում առկա բակտերիաներով և բորբոսով կաթի հնարավոր կոնտամինացիան, որոնք առաջանում են խողովակների մեջ առկա խոնավության հետևանքով: Բացի այդ կթիչն ունի աշխատանքի 3 կարգավորվող ռեժիմներ, որոնցով մայրն ընտրում է առավելագույն կաթի քանակ ունենալու և իր հարմար կթման ուժգնությունը:
-
Ի՞նչ տարբերություն կա 2-ը 1-ում և մեկ տեղանոց կթիչների միջև
Lansinoh-ի 2-ը 1-ում էլեկտրական կթիչը հնարավորություն է տալիս մայրիկներին կթել 2 կուրծքը միաժամանակ՝ խնայելով ժամանակ: Այն կարելի է օգտագործել նաև որպես մեկ տեղանոց էլեկտրական կթիչ: Առանձնահատկություններից է հեղուկաբյուրեղային էկրանի առկայությունը, որը տալիս է շատ օգտակար տեղեկատվություն աշխատանքի ռեժիմի, կթման արագության և հաճախության մասին՝ օգնելով մայրիկներին ճանաչել և հետագայում հեշտությամբ կրկին միացնել իրենց նախընտրած պարամետրերը: Էկրանին երևում է նաև կթման համար օգտագործված ժամանակը, ինչպես նաև օգտագործվող էներգիայի աղբյուրը (ցանցային հոսանք կամ մարտկոցներ): Lansinoh-ի 2-ը 1-ում էլեկտրական կթիչը հնարավորություն է տալիս ընտրություն կատարել աշխատանքի 3 ռեժիմների, կթման 8 մակարդակների միջև, մինչդեռ մեկ տեղանոց էլեկտրական կթիչը ունի կթման 6 մակարդակ:
-
Արդյո՞ք Lansinoh-ի 2-ը 1-ում էլեկտրական կթիչն ունի փակ համակարգ
Այո, մեր բոլոր էլեկտրական կթիչներն օժտված են փակ և հիգիենիկ համակարգով: Օգտագործելով հատուկ նախագծված դիաֆրագման և իր կափարիչը, կթիչը երաշխավորում է խողովակների և հիմնական մասի մեջ կաթի անցման կանխարգելումը: Այն շատ կարևոր է հիգիենիկ հեռանկարով, քանի որ կանխվում է կաթի անցումը և հետագայում բակտերիաների աճը խողովակների մեջ, ինչպես նաև կրծքի կաթի յուրաքանչյուր կաթիլի կարևորության գնահատման առումով:
-
Ինչպե՞ս հասկանամ, թե երբ դադարեցնեմ կթումը
Երբ դուք մոտենում եք կթման ավարտին, ձեր կաթի հոսքը սկսում է դանդաղել կամ կանգնել և ձեր կրծքերում կզգաք փափկություն և թերլեցունություն: Կրծքերն երբեք իսկապես <<դատարկ>> չեն լինում, սակայն վերոհիշյալ զգացողությունները կօգնեն ձեզ հասկանալ, որ այս կերակրման փուլում ձեր կուրծքն արտադրել են այնքան կաթ, որքան անհրաժեշտ է, և դուք կարող եք դադարեցնել կթման գործընթացը:
-
Որքա՞ն է գործում Lansinoh-ի 2-ը 1-ում էլեկտրական կթիչի երաշխիքը
Lansinoh-ի 2-ը 1-ում էլեկտրական կթիչի երաշխիքը նախատեսում է 90 օր կթիչի մասերի և 1 տարի հիմնական մասի և AC հոսանքի փոխակերպիչի համար գնման կամ ապրանքի փաստացի ստացման օրվանից հաշված: Եթե ձեր մոտ առաջացել են խնդիրներ այդ ժամանակահատվածում, խնդրում ենք այցելել մեր Հաճախ Տրվող Հարցերի բաժինը կամ պահեստամասերի գնման համար սեղմեք այստեղ
